 |
| ថ្ងៃពុធ ទី៨ ខែមិថុនា ឆ្នាំ២០១៦ ម៉ោង ១០:៤៣
ខេត្តបន្ទាយមានជ័យ ៖ យ៉ាងហោចណាស់ពលករខ្មែរ០៦នាក់បានស្លាប់(ស្រី៣) និង២៤នាក់ផ្សេងទៀតរបួសធ្ងន់ស្រាល ដោយសារគ្រោះថ្នាក់ចរាចរណ៍រថយន្តថៃដឹកជនរងគ្រោះបានជ្រុលបុកបង្គោលភ្លើងបណ្តាលឲ្យក្រឡាប់ធ្លាក់ទឹកប្រឡាយ ។ ឧបទ្ទវហេតុនេះបានកើតឡើងនៅវេលាម៉ោង២រំលងអធ្រាត្រឈានចូលថ្ងៃទី០៨ មិថុនា ២០១៦ នៅផ្លូវសុវណ្ណាសន ស្ថិតក្នុងក្រុម២ ឃុំផាក់ខាត់ ស្រុកវ៉ាត់ថាណាណាក់ខន ខេត្តស្រះកែវប្រទេសថៃជាប់ព្រំប្រទល់កម្ពុជា ។
យ៉ាងណាក៏ដោយ ជុំវិញព័ត៌មានពីប្រទេសថៃខាងលើ កោះសន្តិភាពមិនអាចរកការសុំអត្ថាធិប្បាយបញ្ជាក់បន្ថែមបាននៅឡើយទេពីមន្ត្រីស្ថានទូតកម្ពុជាប្រចាំប្រទេសថៃ និងមន្ត្រីច្រកទ្វារអន្តរជាតិប៉ោយប៉ែត នាព្រឹកថ្ងៃពុធដដែលនេះ ។
ព័ត៌មានលម្អិតនឹងមានផ្សាយជូននៅលើសារព័ត៌មានកោះសន្តិភាព ៕
|
0 comments:
Post a Comment